Gedanken eines
HMS-Karabiners
in der Seenot
Mei Chef ruckt wieda aus mit 2 Damen im Schlepp,
geh nimm hoid Bessre mit du Depp!
Dann waarst vui schneller, des is gwieß
und hättst aa ned a so a Gschieß.
Der Dog ein Traum am Wolfgangsee,
de Sonna scheint sis nur no schee!
Du! Helmut! De Dunkle konns Obseiln no
ned gscheid!
Ich warne dich: bei dera feids fei weid!
Jetz mechds vor Angst mit am Boot zum Auto
zruckstoppn.
Sog mechd des Madl di nur foppn?
Aufgrund der Lage wird aa de Blonde immer blasser,
hauchknapp stengan olle üban Wasser.
Nur I
häng excellent am 1. Stand -
de Blonde berührt mi mit ihrer Hand (!)
Jetz steigt mei Chef die 1. Seilläng nauf,
do nimmt mei Trennung von eam sein Lauf:
Erregte Damen vergessn mi in der
Falkenstoawand
an diesem irrsinnig traumhaft scheena Stand!
Jetz bin i seiba von Seenot betroffn
und kon nur no auf a Motorboot hoffn!
Und
die Moral für Helmut von der Gschicht:
Klettre so schwar mit 2 Damen gleichzeitig nicht!
Denn
nach so einer knackigen Tour,
fehlt vom Karabiner jede Spur!
Tatsachen einer
Klettertour hier mit Helmut, Christa und Gudrun
vom 20. September 2006